XX.a izango da, berezia, eta horren mailako kartela osatzea lortu dugula uste dugu. Zer deritzozue? Urriaren 19a iristeko gogotsu?
(Hasiberrientzako oharra: kontzertu guztiak DEBALDE izango dira)
Pello Ramirez akordeoi eta biolontxelo jotzaile ordiziarrak eta Nacho Soto pianista asturiarrak irekiko dute 20. urteurreneko jaialdia, D’elikatuzen, urriaren 19an.
Ohikoa denez, jaialdiari hasiera emango dion kontzertua intimoagoa izango da frontoiko kontzertuen aldean, eta aurtengoa are bereziagoa izango da etxeko artista handi baten eskutik etorriko baita.
Ostiralean, urriaren 20ean, Josetxu Piperrak etorriko da Riber Rock Bandak lagunduta Piperrak talde mitikoaren abestiekin frontoia girotzera. Josetxu Piperrak, Piperrak punk talde mitikoaren liderra, ezenatokietara bueltatu zen 2015ean Riber Rock Band taldearekin. Ezagunak beraien kritika sozialagatik eta gira internazionalengatik, erronka juridikoei aurre egin zieten baina musika berria sortzen jarraitzen dute, haien gogo errebelde iraunkorra erakutsiz.
Egun berean, eta Gipuzkoako kostatik bertatik, Zarauztik etorriko zaizkigu Andrea, Nerea, Jone eta Imanol, Ginger taldeko kideak, postpunk doinuak beso azpian, eta iaz kaleratutako lehen lan luzea oinarri.
Ederki berotuko du ostiraleko giroa Bake Faltsuak. Ordiziako punk rock taldea izango dugu frontoian urriaren 20an. 2019an ‘Bestelako ezpala’ lana kaleratu zutenetik eszenatoki gainean zaildutako musikari gazteok igoko dira oholtzara Beti Alaiko frontisean.
Belako izan zen Ordiziarrock XX 2023aren lehen baiztapena, aurreko jaialdia amaitu eta biharamunean. Mungian sortu eta mundu osora zabaldu den taldea izango da aurtengo jaialdiko kartelburu nagusietako bat, eta hankaz gora jarriko du frontoia larunbatean, urriaren 21ean, zuzeneko indartsu bezain kitzikagarriarekin. Gainera, disko berria kaleratu eta egun gutxira etorriko zaizkigu, beraz, pribilegiatuak izango gara.
Kerobiak, bi hamarkadako ibilbide luze eta oparoa duen talde iruindarrak, ez du gure 20. urteurrena galdu nahi izan, eta iaz osasun arazoengatik huts egin ostean, gure artean izango dugu urriaren 21ean.
Hip Hopak eta Rapak ere izango dute lekua, Balloon Frameren eskutik. Larunbatean igoko dira frontoiko oholtza gainera mikroak eskuan.
Oraindik ez zara Ordiziarrocken lagun edo bazkide egin? zeren zain zaude? Sakatu hemen
Abantaila ugari ditu bazkidetzak: antolatzen ditugun emanaldien berri izango duzu beste inork baino lehenago, deskontuak, zozketetan parte hartuko duzu… eta garrantzitsuena dena, lagundu egingo gaituzu!